Zidane e do N’Golo Kanten në Real Madrid

18:48 | 13 Qershor 2017
Arbresh Info

Zinedine Zidane është duke kërkuar transferimin e N’Golo Kantes në Real Madrid.

Reprezentuesi francez ka shijuar një sezon të shkëlqyer te Chelsea, duke i drejtuar ata drejt titullit në Premierë Ligë, transmeton portali arbresh.info. 26-vjeçari është bërë lojtari i parë që ka fituar dy tituj radhazi me skuadra të ndryshme pas triumfit me Leicester Cityn në vitin 2016.

Ish ylli i “Dhelprave” ka shkëlqyer në mesfushën e skuadrës së Antonio Contes në Stamford Bridge së bashku me Nemanja Matic dhe Cesc Fabregas.

Sipas gazetës spanjolle ‘Diario Gol’, performancat e Kantes kanë tërhequr vëmendjen e Real Madridit dhe Zinedine Zidane dëshiron të sjell Kanten në Bernabeu për të përforcuar mesfushës e tij.

Trajneri i ‘Los Blancos’ raportohet se ka pasur dëshirë për të nënshkruar me mesfushorin verën e kaluar, por presidenti i klubit Florentino Perez nuk ka dashur të nënshkruaj me yllin e Francës./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm