Zinedine Zidane do të ishte trajneri perfekt për Manchester United, ka pretenduar gazetari Stan Collymore.

Zinedine Zidane njoftoi për largimin e tij tronditës nga Real Madridi pasditen e sotme (e enjte) pavarësisht se i siguroi ‘Los Blancos’ tri herë radhazi trofeun në Ligë të Kampionëve të shtunën e kaluar, transmeton portali arbresh.info.Vëmendja tani është kthyer se ku do të përfundoj legjenda e Francës.

Tifozët e Chelseas tashmë kanë filluar kërkimin e tij në perëndim të Londrës, por gazetari Collymore thekson se Manchester United duhet ta kërkojë transferimin e tij. Ai beson se nënshkrimi me të do t’i siguronte gjithashtu atyre shënjestrat afatgjate – Cristiano Ronaldon dhe Gareth Balen.

“Zidane do të përshtatej mirë në Manchester United”, ka shkruar ai në llogarinë e tij zyrtare në rrjetin social Twitter. “Do të merrte Ronaldon në shtëpi, ndoshta e Balen”

“United mund të përballoj këdo në botë, plus Zidane është trajneri i vetëm që lojtarët do të shkonin para Guardiolas sigurisht”

“Nëse United nuk e telefonon tani, ata janë budalla”

Jose Mourinho ka kontratë te Manchester United që është e vlefshme deri më 2020./arbresh.info/