Zhegrova asiston, Ademi shënon, por Baseli humb kreun në Zvicër

18:22 | 3 Nëntor 2019
Arbresh Info

Basel ka marrë vetëm një pikë në xhiron e 13 në Superligën e Zvicrës, duke humbur kështu edhe kreun.

Baseli i shqiptarëve barazoi në shtëpi 1-1 me Xamax.

Madje, kjo pikë e fituar nga vendasit është falë dyshes Edon Zhegrova dhe Kemal Ademi.

Zhegrova, i cili hyri në lojë në minutën e 16’ në vend të të dëmtuarit, Okafor, rrëmbeu bukur një top në minutën e 76-të, për të asistuar për mrekulli te Kemal Ademi.

Sulmuesi shqiptar pas asistimit të mrekullueshëm nga ana e Zhegrovës, kishte vetëm për ta dërguar topin në rrjet dhe e bëri pa ndonjë problem, duke barazuar 1-1 rezultatin, që doli të jetë përfundimtar i takimit.

Pas këtij barazimi, Baseli ka zbritur në pozitën e dytë në Superligën e Zvicrës me 27 pikë të grumbulluara, një më pak se lideri, Young Boys. /Gazeta Express/

 

Shpërndaje në rrjete sociale

Lajmet më të lexuara

Të ngjashme

Foto lajm