Presidenti Steven Zhang ka pretenduar se Suning Group po punon ‘pa u lodhur’ për ta rikthyer Interin në majën e futbollit botëror.
Sipërmarrësi kinez mori pjesë në një koncert për të festuar përvjetorin e pesëdhjetë të krijimit të marrëdhënieve diplomatike midis Kinës dhe Italisë.
Nga aty, presidenti i Interit foli për të ardhmen e klubit zikaltër, ku ka thënë se dëshiron ta kthejë klubin në majë të sukseseve.
“Sa më e fortë të jetë miqësia midis Kinës dhe Italisë, aq më e favorshme do të jetë lidhja për zhvillimin e të dy vendeve”, ka thënë fillimisht Zhang për Calciomercato.
“Suning pajtohet që njerëzit me ideale fisnike punojnë për të krijuar të ardhmen dhe do ta çojnë Suning në konsolidimin e bashkëpunimit me markat italiane”.
“Në të njëjtën kohë, ne do të vazhdojmë të promovojmë menaxhim të zellshëm të Interit dhe do të punojmë pa u lodhur me ekipin për ta rikthyer Interin në majë”, përfundoi presidenti i klubit të madhe italiane.
Ndryshe, Interi përballet me Real Madridin në një ndeshje të rëndësishme të Ligës së Kampionëve në Giuseppe Meazza këtë mbrëmje. /Telegrafi/
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...