Manchester City nuk është aq i jashtëzakonshëm pa Rodri, saqë do t’i duhet një nënshkrim urgjent në janar, ndërsa disa nga opsionet tashmë janë shfaqur.

Duke shikuar të shkuarën, nuk do të ishte shumë tipike për Manchester City që të blejë në panik. Ky nuk është stili i tyre dhe nuk ka qenë gjatë gjithë mbretërimit të Pep Guardiolës.

Por këto janë kohë të paprecedentë. Ata kanë humbur nëntë dhe kanë fituar vetëm dy nga 14 ndeshjet e tyre të fundit në të gjitha garat, duke përfshirë një seri tronditëse prej pesë ndeshjesh humbjesh gjatë tetorit dhe nëntorit, gjatë të cilit duket se sezoni i tyre u shpërbë.

Fitorja e tyre 2-0 ndaj Leicester City të dielën nuk do të thotë se ecuria e tyre e dobët aktuale është drejt rregullimit.

Mbrojtja e titullit në Ligën Premier duket e vështirë, ndërsa ata janë të kapur pas një fije peri në Ligën e Kampionëve.

Ka një ndjenjë se mungesa e rezultateve po vjen nga mungesa e fituesit të Topit të Artë, Rodrit. Lëndimi i tij në fund të sezonit është arsyeja më e madhe që Man City po lufton kaq shumë.

Dëshmitë e muajve pa të dëshmojnë se Guardiola nuk ka gjetur ende një zgjidhje në skuadrën e tij dhe me afatin kalimtar të janarit që tashëm është hapur, Man City do të gëlltis krenarinë dhe do të bënte diçka që nuk ka bërë më parë, do të hedh ca para në treg.

Janë pesë lojtarë të cilët mund t’i kryejnë punë Man Cityt dhe Pep Guardiolas, e që mund të blihen në afatin kalimtar të janarit.

Gjetja e dikujt që i përshtatet faturave do të jetë jashtëzakonisht e vështirë, por janë disa opsione që mund ta ndihmojnë Man Cityn në terme afat shkurtër dhe mund të jenë të dobishëm edhe përtej këtij sezoni./telegrafi