Zekirija Ramadani debuton me fitore tek Drita

16:38 | 3 Dhjetor 2023
D.H

Drita ka arritur të rikthehet tek fitorja në Superligën e Kosovës në Futboll.

Skuadra e udhëhequr mga strategu shkupjan Zekirija Ramadani, ka arritur të mposht Feronikelin me rezultat 3-1, shkruan Arbresh.info.

Për Ramadanin aventura tek Drita nisi me një fitore të pastër ndaj Niklit.

Golat për Dritën i realizoi Blerim Krasniqi në minutën e 32-të, teksa dy minuta më vonë Blend Baftiu dyfishoi epërsinë e skuadrës nga Gjilani.

Razcak ngushtoi epërsinë e Dritës në 2-1 në minutën e 76-të, ndërsa për fitoren e bardhekaltërve u përkujdes Albin Prapashtica i cili realizoi në minutën e tretë të kohës shtesë.

Me këtë fitore Drita është e dyta në tabelë me 28 pikë 10 më pak se Ballkani kryesues./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm