Zbulohet para kohe fituesi i “Topit të Artë”, shpërthejnë kritikat në rrjetet sociale

17:22 | 26 Nëntor 2021
Lorik Gerbeshi

Na ndajë dhe tri ditë nga emri i futbollistit më të mirë në planet për sezonin e fundit, por thashethemet nuk kanë fund.

Sipas asaj që shkruajnë mediat botërore, Lionel Messi ka triumfuar mbi Robert Lewandowskin dhe Karim Benzema duke fituar kështu “Topin e Artë” të 7-të në karrierën e tij futbollistike.

Madje, mediat shkojnë dhe më tej duke aluduar se Messi është njoftuar vetë mbi këtë fakt dhe tashmë ka lajmëruar të gjithë familjarët e tij duke ndarë gëzimin me ta.

Në listë, i dyti është renditur Karim Benzema, ndërsa vetëm vendin e tretë për Robert Lewandowskin që bëri një super sezon, duke shënuar më shumë gola se ndeshje të luajtura.

Në rrjete sociale, kanë shpërthyer kritikat, pasi shpresohej për një zbehje të dominimit nga dyshja Ronaldo-Messi që jemi mësuar të dëgjojmë gjithmonë këto dy vitet e fundit, por si duket, argjentinasi nuk ka ndërmend të ndalet duke shkruar sërish historinë në librat e futbollit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm