Andy Bara, përfaqësuesi i Dani Olmo-s, ka zbuluar detaje interesante rreth merkatos së fundit të transferimeve të Barcelona-s në një intervistë në podcastin “Inkubator”.

Në analizën e tij, Bara trajtoi disa tema kryesore, duke përfshirë përpjekjet e Barçës për të nënshkruar me Olmo-n dhe ofertat e mëdha që ata morën për lojtarë të rinj premtues, si Lamine Yamal.

Një nga pikat më të dukshme ishte oferta miliona dollarëshe që Paris Saint-Germain bëri për Yamal, një nga yjet më premtues të Barcelona-s.

Sipas Bara-s, klubi katalanas refuzoi një propozim afër 250 milionë eurosh nga PSG. Kjo lëvizje dëshmon besimin e madh që ka Barça për të ardhmen e talentit të ri, pasi preferoi ta mbante në skuadër pavarësisht ofertës mbresëlënëse.

Sa i përket Olmo-s, Bara zbuloi se si lojtari ashtu edhe rrethi i tij ishin shumë të interesuar që futbollisti të rikthehej te Barcelona, klubi ku ai u stërvit i ri.

Gjatë gjithë merkatos së transferimeve, Olmo mori disa propozime nga klube të mëdha, por dëshira e tij kryesore ishte t’i bashkohej Barçës.

“Dani donte të kthehej në shtëpi”, tha Bara, duke theksuar se ai vetë ka shtyrë që operacioni të bëhej.

Bara përmendi edhe rastin e Mikayil Faye, i cili u detyrua të largohej nga klubi për shkak të kufizimeve të vendosura nga fair play financiar. Përfaqësuesi shpjegoi se Faye nuk kishte ndërmend të largohej dhe as Barcelona nuk po planifikonte ta shiste, por vështirësitë financiare të klubit e detyruan vendimin.

Në fillim, Barça tentoi të shiste Inigo Martinez, por mbrojtësi nuk donte të largohej. Nisur nga kjo situatë, shitja e Faye u pa si një zgjidhje për të balancuar financat dhe për të lehtësuar lëvizjet si nënshkrimi i Olmo-s.

Këto zbulime nxjerrin në pah kompleksitetin e tregut të Barcelona-s, ku menaxhimi financiar dhe vendimet sportive janë të lidhura ngushtë./Albanianpost.com