Barcelona tashmë është konfirmuar nga shumë media të njohura se kanë mbyllur marrëveshjen për transferimin e portierit Wojciech Szczesny, teksa blaugranasit po punojnë për të gjetur një gjuhë të përbashkët me ish-klubin e tij Juventusin për paratë që duhet t’i paguajnë atyre.
Szczesny tashmë gjithmonë sipas raportimeve ka dhënë dritën e gjelbër që t’i bashkohet blaugranasve përkohësisht deri në fund të sezonit.
Një prej faktorëve kryesor që bindi polakun të rikthehej nga pensionimi ishte raporti miqësor që ka me Robert Lewandowskin.
Sipas mediave spanjolle Cadena SER dhe Sport, Lewandowski dhe Szczesny kanë biseduar në telefon dhe portieri besohet t’i ketë thënë yllit të Barcelonës se ai ‘ose do të luajë titullar, ose nuk do të vij’.
Besohet se Szczesny momentalisht po shikon për të gjetur një vend për të qëndruar në Castelldelfels, aty ku Lewandowski dhe shumë lojtarë të tjerë të Barcelonës jetojnë.
Deri më tani ka pasur raportime të ndryshme nëse Inaki Pena do ta mbajë fanellën e titullarit pas ardhjes së portierit polak, por kjo duket se sugjeron që ai tashmë ka disa siguri që do të jetë numri një i portës deri pas rikthimit të Marc-Andre Ter Stegen nga lëndimi.
Ka edhe tri ndeshje deri në pauzën e ardhshme me kombëtare, pas së cilës Szczesny me siguri do të ishte gati të luante në shtëpi ndaj Sevillës.
Nga pikëpamja e tij, do të ishte një befasi në rast se rikthehet nga pensionimi vetëm e vetëm për të qenë opsioni i dytë pas Penas./Telegrafi/
Policia arreston 10 persona për armëmbajtje pa leje në 24 or...
Superliga vazhdon me dy ndeshje, luhet në Gjilan dhe Drenas
Osmani: Vuçiqi do vetëm të shtyjë planin për aneksim në stil...
Të paktën 66 të vdekur dhe dhjetëra të zhdukur nga përmbytje...
Neuer pyetet nëse do të rikthehet nga pensionimi pas lëndimi...
Policia shqiptoi 1 mijë e 807 gjoba trafiku brenda 24 orëve