Sipas raportimeve në Francë, bisedimet mes Antonio Conte dhe PSG janë në vazhdim dhe strategu italian i ka bërë tre kërkesa kampionëve të Ligue 1.

Ish-trajneri i Interit dhe Juventusit është bërë një nga kandidatët kryesorë të skuadrës franceze për të zëvendësuar Mauricio Pochettino, i cili ka të ngjarë të largohet nga klubi në fund të sezonit, pavarësisht se ka fituar titullin në ligë.

Raportimet në Itali dhe Francë konfirmojnë negociatat mes taktikanit italian dhe kampionit të Francës dhe sipas Abdellah Boulma, Conte ka konfirmuar dëshirën e tij për t’u transferuar në Paris para edicionit 2022-2023.

Sipas raportimit, ai ka vendosur tre kushte në tavolinë: kontrollin total mbi tregun e transferimeve, dëshirën për të punuar me Gianluca Petrachi dhe kontrollin e stafit të tij.

Conte dhe Petrachi janë miq të ngushtë dhe janë njohur që nga koha e tyre në sektorin e të rinjve te Lecce. Petrachi u përpoq të punësonte Conten te Roma në vitin 2019, por trajneri e hodhi poshtë ofertën dhe nënshkroi me Interin.

Antonio #Conte ?? a signifié à des émissaires du Qatar qu’il était prêt à assurer la succession de Pochettino. Parmi ses conditions : la main mise totale sur le mercato, la volonté de collaborer avec Gianluca Petrachi, ex DS de la Roma et du Torino et la venue de son staff ??

— Abdellah Boulma (@AbdellahBoulma) April 26, 2022