Zbehet mardhënia mes Felixit dhe Barcelonës

12:00 | 18 Janar 2024
D.H

Një muaj e gjysmë më parë, João Félix pati një paraqitje të shkëlqyer kundër Atlético Madridit, klub që zotëron kartonin e portugezit.

Në atë duel, sulmuesi portugez shënoi golin e shtatë të sezonit në fitoren 1-0 të Barcelonës ndaj Atletico Madridit, shkruan Arbresh.info.

Pas kësaj performance marrëdhënia e Félix me Barçën filloi të përkeqësohej.

Sipas të famshmes spanjolle AS, portugezi e nisi titullar ndeshjen në vijim ku ekipi pësoi një humbje e rëndë në shtëpi me Gironan me rezultat 4-2.

Më pas shënoi kundër Valencias në barazim 1-1 dhe ishte në formacion kundër Almerías, duke u zëvendësuar në pjesën e parë të asaj ndeshje, pas një loje të dobët.

Në ndeshjen tjetër, ai ishte zëvendësues me Las Palmasin në La Liga, si dhe në dy duelet e Superkupës spanjolle, me Osasunan dhe Realin e Madridit.

Pra  u kthye nga Arabia Saudite me statusin e qartë të zëvendësuesit, duke bërë që e përditshmja spanjolle AS të pretendonte se Félix është bërë “një patate e nxehtë” në skuadrën e Barcelonës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm