Google ADS

Zanetti: Lautaro nuk largohet, është e tashmja dhe e ardhmja e Inter-it

22:16 | 9 Shtator 2020
Arbresh Info

Zëvendëspresidenti dhe njëkohësisht legjenda e Inter-it, Javier Zanetti ka hedhur poshtë mundësinë e largimit të sulmuesit Lautaro Martinez.

Sipas Diario Sport, Barcleona do provojë edhe një herë të transferojë argjentinasin, ngase nuk e pagoi klauzolën e lirimit me vlerë 111 milionë euro, transmeton portali arbresh.info.

Mirëpo, Zanetti ka hedhur poshtë të gjitha mundësitë që Martinez-i të transferohet në “Camp Nou” sepse e cilëson si e ardhmja e klubit.

“Lautaro nuk do largohet nga Inter-i. Jo vetëm Barcelona e ka kuptuar, por Lautaro e ka të qartë se është në klub të mirë si i joni dhe është i lumtur”.

“Ai tani nuk do largohet, është e tashmja dhe e ardhmja jonë. Ka respekt mes klubeve, ka lojtarë me klauzolë të lirimit dhe kur një klub vjen dhe e paguan, është shumë pak që mund të bëjmë ne”.

“Por, në çështjen e Lautaro-s, ai është i lumtur të Inter-i dhe e kam vërejtur”, deklaroi ai.

Kontrata momentale e Martinez-it skadon në qershorin e vitit 2023./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm