Ylli i Manchester Cityt pritet të jetë pasardhësi i Lewandowskit tek Barcelona

17:03 | 18 Tetor 2023
D.H

Kontrata e Robert Lewandowskit me Barcelonën përfundon në vitin 2026, megjithatë rendimenti dhe mbi të gjitha mosha e polakut, detyrojnë Barcelonën të mendojnë edhe për zëvendësuesin e 35-vjeçarit. Dhe, në fakt drejtuesit katalanas e kanë gati alternativën.

Sipas shtypit spanjoll, i preferuari i trajnerit Xavi Hernandez është Julian Alvarez i Manchester Cityt. Argjentinasi e ka treguar veten e tij me The Citizens edhe pse Pep Guardiola nuk i dhuron mjaftueshëm minuta. Por, te Barcelona sulmuesit mund t’i garantohet roli i protagonistit kryesor dhe kjo e tundon 23-vjeçarin.

Alvarez në kontratën e tij ka një klauzolë që e lejon të largohet nga City për shifrën e 50 milionë eurove dhe te Barça po mendojnë seriozisht të bëjnë një sakrificë për një sulmues që garanton shumë për të ardhmen./ss

Shpërndaje në rrjete sociale

Lajmet më të lexuara

Të ngjashme

Foto lajm