Ylli i Man City i vendosur për të refuzuar Barçën

14:22 | 11 Shtator 2018
Arbresh Info

Ilkay Gundogan është i gatshëm për të refuzuar interesimin nga Barcelona në janar dhe është i hapur për të nisur bisedimet me Manchester Cityn për një marrëveshje të re.

Mesfushori gjerman ka ende edhe dy vite të mbetura në kontratën e tij që i siguron 90 mijë funta në javë dhe është i lumtur për të vazhduar qëndrimin në Etihad nën udhëheqjen e Pep Guardiolas, transmeton portali arbresh.info.

27-vjeçari është duke u kërkuar gjithashtu nga AC Milani dhe një numër i madh klubesh nga Bundesliga, ku ka nisur karriera e tij.

Por, ish ylli i Borussia Dortmundit ka paralajmëruar të ardhmen e tij afatgjate te City dhe është i vendosur për të nënshkruar kontratë të re me kushte të përmirësuara.

“Ilkay është i lumtur këtu dhe klubi dëshiron të mbajë atë në skuadër”, ka thënë për ‘The Sun’ një burim i tyre në Etihad.

“Ka interesim për të, por ai pritet të vazhdojë qëndrimin”

Gundogan iu bashkua Manchester Cityt nga Dortmundi në vitin 2016 për 20 milionë funta./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm