Xherdan Shaqiri mendon se Liverpoolit i duhet një mentalitet i ngjashëm si i gjigantit gjerman Bayern Munich nëse ata dëshirojnë për të fituar tituj.

Liverpooli ka arritur në finale të Ligës së Kampionëve sezonin e kaluar, por ata humbën me rezultat 3 me 1 ndaj Real Madridit në përballjen e tyre në Kiev, transmeton portali arbresh.info.

“Liverpooli duhet ta ketë qëllim për të luajtur për tituj”, u ka thënë ish anësori i Bayern Munichut gazetarëve para ndeshjes të së shtunës ndaj Tottenhamit. “Ne jemi një skuadër e madhe, skuadrat e mëdha duhet të kenë për qëllim të fitojnë tituj”

“Është vështirë në Premierë Ligë sepse ka shumë klube të mëdha, andaj konkurrenca është këtu. Ju duhet të keni një sezon shumë, shumë të mirë për të konkurruar”

“Në Bayern ata kanë vetëm mentalitetin për të fituar tituj. Liverpooli është njëri nga skuadrat më të mëdha në botë”

“Vitin e kaluar ata kishin një vit shumë të mirë. Fatkeqësisht, ata nuk fituan titullin, por tani ne jemi duke u përpjekur për të bërë një hap përpara dhe për të fituar. Qëllimi më i rëndësishëm është ky – për të fituar tituj”

“Ne duhet të vazhdojmë të punojmë shumë. Ne jemi ende një skuadër e re. Çdo lojtar dëshiron të shkoj përpara dhe të përpiqet të jetë më i mirë dhe t’i ndihmoj këtij klubi të madh të jetë i suksesshëm”

“Për të qenë i suksesshëm, ju duhet të luani për tituj. Ky duhet të jetë qëllimi jonë”

Ylli nga Gjilani pritet të jetë pjesë e skuadrës në ndeshjen e këtij vikendi në Wembley ndaj Tottenhamit./arbresh.info/