Ylli i Liverpooli, Xherdan Shaqiri ka paralajmëruar bashkëlojtarë e tij duke iu dhënë të mos mendojnë rreth rezultateve të rivalëve të tyre për titull në Premierë Ligë.

Kosovari arriti në Anfield për 13.5 milionë funta gjatë verës duke u larguar nga Stoke City menjëherë pas rënies së tyre në Championship, transmeton portali arbresh.info. Edhe pse nuk është i rregullt në fushë, Shaqiri ka shijuar së fundmi minuta më shumë në skuadër dhe madje ka regjistruar golin e tij të parë për klubin në fitoren ndaj Cardiffit dy javë më parë.

Liverpooli është njëra nga skuadrat favorite për të sfiduar Manchester Cityn për titull këtë sezon.

“Redsat” nuk kanë pësuar ende ndonjë humbje në ligë dhe qëndrojnë në pozitën e tretë në tabelë me dy pikë prapa Cityt.

Skuadra e Pep Guardiolas është gjithashtu e pamposhtur, ashtu si ajo e Chelseas, e cila duket mjaftë impresive nën udhëheqjen e trajnerit të ri Maurizio Sarri, transmeton portali arbresh.info. Por, Shaqiri ka paralajmëruar kolegët e tij që të fokusohen vetëm në rezultatet e tyre.

“Mendoj se duhet t’i injorojmë ata”, ka thënë Shaqiri kur është pyetur rreth formës së Cityt dhe Chelseat.

“Ne duhet të shikojmë tek ne dhe të bëjmë performanca javë pas jave, të përpiqemi për të qëndruar në nivelin tonë më të lartë dhe të provojmë të fitojmë ndeshjet që në fund të sezonit ne mund të themi se jemi krenar për sezonin që kemi luajtur sepse kemi dhënë gjithçka”

“Ne do të shohim se çfarë do të ndodhë, por procesi në të cilin klubi ka shkuar që disa vite është shumë mirë dhe unë mendoj se kjo është gjëja më e rëndësishme”

“Të gjithë e shohin këtë dhe sigurisht në një të ardhme të afërt për të gjithë është e rëndësishme për të luftuar për tituj, kjo është e qartë”

“Për momentin ne duhet të shikojmë vetëm tek vetja dhe të përpiqemi për të qëndruar në nivel sa më të lartë. Ne do të shohim se çfarë do të ndodhë, por nëse vazhdojmë kështu atëherë ky do të jetë një vit interesant për të gjithë mendoj”

“Për ne është e mrekullueshme se si jemi duke shkuar në ligë për momentin”

“Ne jemi në formë të mirë dhe të gjithë janë pozitiv në klub, prandaj ne jemi duke shikuar përpara për ndeshjet e ardhshme, shumë ndeshje do të vijnë”

“Ne thjeshtë duhet të vazhdojmë kështu në nivel të lartë dhe të punojmë çdo ditë fortë që të garojmë kundër skuadrave të mira”

Liverpooli rikthehet në aksion në Premierë Ligë pasditen e nesërme, ku ata mirëpresin Fulhamin në Anfiled./arbresh.info/