Google ADS

Xhaka për një natë me dy rekorde

23:18 | 22 Qershor 2018
Arbresh.info

Miliona shqiptarë po festojnë fitoren e Kombëtares së Zvicrës kundër Serbisë, pasi që në kuadër të saj luajnë katër shqiptarë, Blerim Xhemaili, Valon Behrami, Granit Xhaka e Xherdan Shaqiri.

Ishin pikërisht shqiptarët ata që shënuan golat e fitores, Granit Xhaka në minutën e ’53 dhe Xherdan Shaqiri në të ’90, shkruan portali arbresh.info.

E Xhaka po këtë natë theu rekord.

Ai ka prekur topin plot 101 herë në lojën kundër Serbisë, shifra më e lartë për një lojtar zviceran në një ndeshje të grupit të Kupës së Botës që nga viti 1966.

E një rekord tjetër ishte me mbiemrin e tij. Është lojtari i parë me mbiemrin që fillon me shkronjën X që shënon gol në Botëror.

Tani në grupin E në vendin e parë është Brazili me 4 pikë, aq sa ka edhe Zvicra në vendin e dytë, kurse Serbia është në të tretin me 3 pikë dhe në fund Kosta Rika me zero pikë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm