Dyshja shqiptare kanë depërtuar në formacionin e më të mirëve të javës në Evropa Ligë.

Granit Xhaka dhe Shkodran Mustafi janë pjesë e njëmëdhjetshes më të mirë në kompeticonin e dytë më të madh në Evropë, shkruan portali arbresh.info.

Falë paraqitjeve të shkëlqyera mbrëmjen e së enjtes në Emirates gjatë përballjes së Arsenalit me skuadrën e BATE Borisovit, dy futbollistët shqiptarë kanë arritur të jenë pjesë e formacionit të javës.

Granit Xhaka kontribuoi me dy asistime në fitoren 3 me 0 të Arsenalit kundër skuadrës bjelloruse duke i ndihmuar “Topçinjve” të vazhdojnë në raundin e ardhshëm të 1/8-ës.

Mbrojtësi nga Gostivari, Shkodran Mustafi realizoi një gol të bukur me kokë pas asistimit nga Xhaka dhe arriti të ndërpres një numër të madh aksionesh nga skuadra mysafire.

Pjesë e formacionit të javës janë edhe lojtarët si Azmoun (Zenit), Daka (Zalzburg), Sarabia (Sevilla), Schlager (Salzburg), Hudson-Odoi (Chelsea), Lichtsteiner (Arsenal), Dilaver (Dinamo Zagreb), Coufal (Slavia Praha) dhe Boyko (Dynamo Kyiv)./arbresh.info/