Barcelona ka shpresë për të sjellë një nga talentet e rinj më të mirë në Evropë këtë verë, pasi ylli nën pronësi të Paris Saint-Germain, Xavi Simons, ka shprehur interesim për t’u rikthyer në Camp Nou.

Sipas gazetarëve Roger Torello dhe Ferran Martinez të Mundo Deportivo, Simons ka hapur derën për rikthimin e tij te Barcelona.

🚨 Xavi Simons elige Barça y tiene una carta para lograrlo@RogerTorello 🤝 @martinezferran https://t.co/Nh09ZFq0uR

— Mundo Deportivo (@mundodeportivo) May 7, 2024

Lojtari është i gatshëm të shtyjë për lëvizjen e tij te Barça pasi një klauzolë në kontratën e tij i lejon atij të zgjedhë destinacionin tjetër.

Më herët u raportua se trajneri Xavi do të ishte i lumtur ta kishte në dispozicion 21-vjeçarin.

Simons mund të luajë si një mesfushor sulmues ose një sulmues anësor i majtë – pikërisht ajo që i nevojitet trajnerit të Barçës.

Holandezi ka shënuar nëntë gola dhe ka dhënë 15 asistime në 42 paraqitje për RB Leipzig këtë sezon.

21-vjeçari ishte pjesë e La Masia nga viti 2010 deri në 2019 para se të largohej falas nga Barcelona te PSG. /Telegrafi/