Xavi i del në mbrojtje Vinicius Juniorit

16:54 | 4 Shkurt 2023
K.B

Barcelona pret Sevillan të dielën, sfidë e vlefshme për javën e 20-të në La Liga. Skuadra e Xavit ka statistika fantastike ndaj andaluzëve në “Camp Nou” dhe do futet në fushë për marrjen e tri pikëve, tepër të nevojshme për fitimin e titullit.

Barça kryeson kampionatin spanjoll me pesë pikë më shumë se Reali i Madridit, ndërkohë që trajneri Xavi vlerëson shumë Vinicius Junior, një nga yjet e rivalëve nga Madridi, duke ftuar arbitrat të ndihmojnë brazilianin dhe talentet si ai.

“Vinicius Junior është një futbollist shumë i mirë në lojën një kundër një, kjo bën që kundërshtarët të jenë agresivë ndaj tij. E njëjta gjë ka ndodhur edhe me Neymarin në të kaluarën.

Arbitrat dhe Komiteti i Arbitrazhit duhet të bëjnë mirë punën e tyre për të mbrojtur këta lloj lojtarësh në situata të tilla”, deklaroi trajneri i skuadrës katalanase, i cili shpreson të fitojë La Liga-n për herë të parë si trajner.

Shpërndaje në rrjete sociale

Lajmet më të lexuara

Të ngjashme

Foto lajm