Ferran Torres është në prag të shpalljes si lojtari i Barcelonës, 21-vjeçari do t’i nënshtrohet testeve mjekësore më vonë të hënën para se të finalizojë transferimin e tij prej 55 milionë eurosh nga Manchester City.

Një nënshkrim që është miratuar nga menaxheri, Xavi Hernandez, ish-sulmuesi i Valencias do të arijë në “Camp Nou” në një kohë kur njësia sulmuese ka performuar nën nivelin dhe është goditur me lëndime.

Vetë Torres ka mbetur jashtë fushës për shkak të një dëmtimi që nga tetori, pasi ka pasur problem me këmbën e tij ndërsa ishte në detyrë ndëkombëtare me Spanjën. Megjithatë, “SPORT” raporton se sulmuesi pothuajse është rikuperuar plotësisht nga problemi i tij dhe do të jetë në gjendje të fillojë stërvitjen menjëherë pasi të finalizohet lëvizja.

Në të vërtetë, raporti thotë se pasi të zyrtarizohet transferimi i Torres, a ka të ngjarë të marrë pjesë në seancën e parë stërvitore të klubit para Krishtlindjeve, e cila do të zhvillohet të martën në mbrëmje. Më tej shtohet se duke qenë se lëndimi i tij nuk është i lidhur me muskujt, 21-vjeçari do të jetë i disponueshëm për përzgjedhje menjëherë.

Megjithatë, spanjolli nuk ka gjasa të bëjë debutimin e tij për Barçën në ndeshjen e tyre të parë në vitin 2022 kudnër Mallorcas në LaLiga, pasi afati zyrtar i regjistrimit fillon më 3 janar.

Në vend të kësaj, Torres mund të jetë në linjë për të bërë paraqitjen e tij të parë për katalanasit më 5 janar në ndeshjen e Copa del Rey kundër Linares Deportivo./Arbresh.info