Xavi e nis me fitore aventurën e tij te Barcelona

22:58 | 20 Nëntor 2021
Lorik Gerbeshi

Barcelona ka arritur të sigurojë fitore minimale kundër Espanyolit në kuadër të xhiros së 14-të të LaLigës.

Pjesa e parë e këtij takimi u dominua tërësisht nga blaugranët, të cilët përkundër rasteve të krijuara nuk arritën të ndryshojnë rezultatin.

Në pjesën e dytë, Barça arriti të kalonte në epërsi qysh në minutën e 48-të ku i saktë nga pika e bardhë u tregua Memphis Depay.

Deri në fund të ndeshjes nuk munguan rastet nga të dyja skuadrat, por përkundër kësaj, rezultati nuk ndryshoi dhe Xavi arriti fitoren e parë si trajner i Barçën.

Me këtë fitore, Barcelona ngjitet në vendin e gjashtë me 20 pikë të grumbullara, ndërsa Espanyol në vendin e 11-të me 17 pikë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm