West Ham ka refuzuar një ofertë prej 90 milionë funte nga Manchester City për kapitenin Declan Rice.
Oferta e Cityt mendohej të kishte përfshirë një pagesë fillestare prej 80 milionë funtesh, por është më pak se 100 milionë funte që duan Hammers.
Arsenali pritet të bëjë ofertën e tretë për mesfushorin 24-vjeçar anglez.
Propozimi i dytë i Gunners prej 75 milionë funte fillestare në katër pagesa, plus 15 milionë funte në shtesa, u refuzua nga West Ham javën e kaluar.
Kontrata e Rice me Hammers skadon në vitin 2024, megjithëse ka opsionin për një zgjatje për një vit deri në verën e vitit 2025.
Pas fitores së klubit në Ligën e Konferencës së Evropës ndaj Fiorentinës në fillim të këtij muaji, kryetari David Sullivan tha se ishte “99%” i sigurt që Rice do të largohej nga West Ham këtë verë.
Edhe pse ata kanë rreshtuar Mateo Kovacic të Chelseat në një marrëveshje prej 25 milion £, humbja e Ilkay Gundogan nga Barcelona do të thotë se menaxheri i Cityt, Pep Guardiola është i prirur të forcojë opsionet e tij në mesfushë, me Rice që shihet si kandidati ideal./Arbresh.info/
Odegaard do të humb nëntë ndeshje pas lëndimit
Aliu: Kosova synon të lidhë rrjetin hekurudhor me atë evropi...
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë
Tiranë: Gruaja tenton të rrëmbejë 2-vjeçaren, arrestohet