Wayne Rooney i nënshtrohet testimeve mjekësore te Evertoni

19:03 | 8 Korrik 2017
Arbresh Info

Wayne Rooney i është nënshtruar testimeve mjekësore para rikthimit te Evertoni nga Manchester United.

31-vjeçari ishte këtë të shtunë në Finch Farm, pjesa ku stërvitet skuadra e Evertonit, për të kryer testimeve mjekësore, transmeton portali arbresh.info.

Mediat angleze raportojnë se sulmuesi i është nënshtruar testimeve mjekësore te klubi i tij ku mori hapat e parë 13 vite pas largimit për transferim në Old Trafford. Lajmi vjen në të njëjtë ditë kur Manchester United njoftoi se ka arritur një marrëveshje për të nënshkruar me sulmuesin e Evertonit, Romelu Lukaku për 75 milionë funta.

Rooney nënshkroi për Manchester United në vitin 2004 nga Evertoni si një 18-vjeçar në një marrëveshje 25.6 milionëshe.

Ai shënoi 253 gola brenda 559 paraqitjeve duke fituar pesë herë Premierë Ligën.

Në muajin janar, ai shënoi golin e tij të 250-të për Manchester United duke thyer rekordin e vendosur nga Sir Bobby Charlton./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm