Walcott afër transferimit në Everton

13:58 | 16 Janar 2018
Arbresh Info

Theo Walcott raportohet se është afër transferimi te Evertoni për një tarifë prej 20 milionë funta derisa “Topçinjtë” janë në kërkim të zëvendësuesit së anësorit dhe yllit Alexis Sanchez.

Walcott është lojtari që i ka shërbyer klubit më së shumti që nga transferimi në vitin 2006 nga Southamptoni dhe deri tani ka shënuar 108 gola për “Topçinjtë”, transmeton portali arbresh.info.

Megjithatë, 28-vjeçari ende beson se mund të gjej rrugën për të qenë pjesë e Anglisë së Gareth Southgates gjatë verës në Kampionatin Botëror dhe prandaj kërkon kohë të rregullt në fushë.

Transferimi në West Ham dhe rikthimit te “Saints” ishin dy opsione, por trajneri i “Toffees” Sam Allardyce duket se ka në duar lojtarin e tij.

‘Goal‘ pretendon që Walcott do t’i nënshtrohet testeve mjekësore pasditen e sotme (e martë)./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm