Google ADS

Vritet edhe një kampion i Ukrainës, ishte vetëm 16 vjeç

14:47 | 9 Mars 2022
Fjolla Bajraktari

Vazhdojnë bombardimet dhe rritet numri i të vrarëve.

Sulmet ajrore ruse po vazhdojnë të jenë vdekjeprurëse për popullin ukrainas, shkruan “Gazeta Express”.

Ushtria ruse e goditi mbrëmë një ndërtesë me popullsi civile në Sumy.

Me këtë rast, viktimë e sulmit agresor ishte edhe mundësi i ri ukrainas i Sambos, Artem Pryimenko.

Lajmi është konfirmuar nga kreu i administratës militare rajonale të Sumyt, Dmytro Zhyvytskyy.

16 vjeçari ishte në banesën e tij dhe ai bashkë me familjen u vranë nga sulmi ajror rus.

Së bashku me të, dy vëllezërit e tij, Igor e Kiril, po ashtu edhe nëna, babai dhe gjyshja e tij ndërruan jetë.

Pryimenko ishte kampion i Ukrainës në SAMBO, shkruan “Gazeta Express”.

Nga ky sulm u vranë 21 njerëz të pafajshëm.

Kështu, po vazhdon të rritet numri i sportistëve të vrarë në Ukrainë.

E shumë të tjerë, por edhe ish-sportistë, i janë bashkuar ushtrisë ukrainase në mbrojtje të atdheut. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm