Vrapoi nga Prishtina në Tiranë për 111-vjetorin e Pavarësisë së Shqipërisë, Erzen Zyberaj merr medalje nga Bashkia e Tiranës

17:29 | 28 Nëntor 2023
E.H

Atleti nga Kosova, Erzën Zymberaj ka mbërritur në Tiranë duke vrapuar nga Prishtina për nderë të 111-vjetorit të Pavarësisë së Shqipërisë.

Zymberaj është mirëpritur në kryeqytetin e Shqipërisë nga nënkryetari i bashkisë së Tiranës, Andi Seferi, i cili edhe e shpërbleu me medalje

“Jam shumë i lumtur për respektin nga Bashkia e Tiranës. Normalisht është sfiduese shumë për shkak të kushteve klimatike që ndeshëm, por ia arritëm”, theksoi Zyberaj.

Ai tha gjithashtu se vrapimi nga Prishtina për në Tiranë për ditën e 111-vjetorit të pavarësisë ka një simbolikë të jashtëzakonshme.

Zyberaj u nis paraditen e djeshme nga sheshi “Skënderbej” në Prishtinë për të mbërritur sot në sheshin me po të njëjtin emër në Tiranë ku u zhvillua për herë të parë edhe parada e shqiptarëve të ardhur nga e gjithë bota./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm