Visar Musliu komenton humbjen e Maqedonisë së Veriut në debutimin në Euro 2020

21:34 | 13 Qershor 2021
KRG

Mbrojtësi, Visar Musliu pas përfundimit të takimit me Austrinë, ka deklaruar se edhe përkundër disfatës së pësuar, Maqedonia e Veriut ka shanse për të kaluar grupin.

Maqedonasit pësuan humbje 3-1 në Grupin C, derisa debutuan kështu në Kampionatin Evropian.

Veliu beson se ata do të japin më të mirët në ndeshjet në vazhdim, duke tentuar që të kalojën edhe fazën e grupeve.

“Kemi ende shanse për ta kaluar grupin, duhet të rehabilitohemi sa më parë. Të jemi në formën fizike më të mirë dhe të analizojmë cilat janë anët e dobëta të Ukrainës. Me më tepër koncentrim do të mund të arrijmë rezultat më të mirë”, ka deklaruar ai pas ndeshjes.

Musliu deklaroi më tej se nëse Maqedonia e Veriut do t’i kishte shfrytëzuar mundësitë që i ka pasur në fillim, rezultati do të ishte ndryshe. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm