Vinicius Junior lartësohet nga trajneri i Brazilit

19:12 | 29 Qershor 2024
R J

Trajneri i Brazilit, Dorival Junior, ka lartësuar aftësitë e Vinicius Junior pas performancës së tij mbresëlënëse në fitoren ndaj Paraguait të premten në Copa America.

Brazili ka arritur të fitojë 4-1, ndërsa sulmuesi i Real Madrid i ka shënuar dy gola, duke u treguar vendimtar në këtë ndeshje, një përmirësim i madh krahasuar me paraqitjen gjatë barazimit 0-0 kundër Kosta Rikës në ndeshjen e parë të grupit.

“Sot ai luajti një rol shumë të rëndësishëm”, u ka thënë Dorival gazetarëve. “Ka luajtur një ndeshje pothuajse perfekte, krijoi situata dhe mundësi shumë të mira, ishte dinamik, shumë efektiv dhe i drejtpërdrejtë. A ka kapacitet të madh”.

Brazili do të përballet me Kolumbinë, kryesuesen e grupit, të martën në Kaliforni, ku do t’u mjaftojë një barazim për të siguruar kualifikimin në çerekfinale. Kolumbia, me një seri prej njëzet e pesë ndeshjesh pa humbje, në nëntor në një ndeshje kualifikuese për Kupën e Botës 2026, e ka mundur Brazilin me rezultat 2-1 ./rtk

Shpërndaje në rrjete sociale

Lajmet më të lexuara

Të ngjashme

Foto lajm