Veton Berisha rikthehet në kampionatin norvegjez, nënshkruan me Brann

09:53 | 31 Mars 2019
Arbresh.info

Sulmuesi nga Kosova, Veton Berisha është rikthyer në kampionatin norvegjez.

Pas katër viteve të kaluara në Gjermani dhe Austri, Berisha ka nënshkruar për ekipin norvegjez në ditën e fundit të afatit kalimtar në shtetin skandinav.

Aventura te Rapidi i Vjenës nuk shkoi mirë, pasi lojtari nuk ishte në formacionin bazë të gjigantit austriak.

Kjo ka bërë që vëllai i vogël i Valon Berishës të marrë vendimin për tu rikthyer në shtetin skandinav.

Veton Berisha (Foto: Octavio Passos/Getty Images/Guliver)

24-vjeçari ka nënshkruar kontratë tri vjeçare me nën kampionët e Norvegjisë, Brann ku do të ketë mundësi më të mira të aktivizimit.

Kujtojmë që Berisha është pjesë e Kombëtares së Norvegjisë, por që në muajt e fundit nuk ka pasur ftesë për të.

Me Rapidin e Vjenës, Vetoni ka luajtur 58 ndeshje në të gjitha garat duke shënuar nëntë gola dhe duke bërë tre asistime. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm