Google ADS

Vetëm disa orë larg zyrtarizimit, Dani Olmo do të prezantohet të premten si lojtar i ri i Barcelonës

12:04 | 8 Gusht 2024
A B

Kanë mbetur vetëm disa orë ose minuta derisa të bëhet zyrtare se Dani Olmo është tashmë një lojtar i ri i Barcelonës.

Deco e mbylli nënshkrimin e tij në Leipzig të martën dhe futbollisti i spanjoll do të jetë i lidhur me Barçën deri në vitin 2030.

Mesfushori ofensivë ndodhet në Barcelonë që prej të martës mbrëma dhe ai tanimë ka kaluar testet mjekësore.

Sipas asaj që ka njoftuar Mundo Deportivo, medium i afërt me Barcelonën, katalunasit kanë mbyllur nënshkrimin e spanjollit për 47 milionë euro plus bonuse pasi t’i luaj ai 60 për qind të ndeshjeve.

Olmo do të nënshkruajë për gjashtë sezone, deri në vitin 2030, dhe Barça do ta paguajë nënshkrimin e tij me këste.

26-vjeçari rikthehet te Barcelona pas 10 viteve, pasi në moshën 16 vjeçare ishte larguar nga La Masia në drejtim të Dinamo Zagrebit.

Pasi testet mjekësore tanimë janë kryer, Olmo do të prezantohet si lojtari më i ri i Barcelonës të premten e 9 gushtit. /Telegrafi/ 

Shpërndaje në rrjete sociale

Lajmet më të lexuara

Të ngjashme

Foto lajm