Veron: Zanetti mund ta bindë Messin për t’u transferuar te Interi

16:06 | 21 Janar 2021
A. B.

Kryetari i Estudiantes, Juan Veron beson se klubi italian, Interi, mund të nënshkruajë me yllin e Barcelonës, Lionel Messi.

E ardhmja e argjentinasit Messi ka qenë e përfolur shumë nga vera e fundit, kur lojtari kërkoi të largohet si transferim i lirë.

Megjithatë, Barcelona ndali largimin e tij, por shumë klube të njohura evropiane si Paris Saint-Germain, Manchester City dhe Interi janë lidhur me të.

Veron ndjen që ish-shoku i skuadrës së Argjentinës, Javier Zanetti, si nënkryetar i Interit, mund ta bindë Messin për lëvizjen e tij në Serie A.

“Unë nuk mendoj se ai do të transferohet në Itali”, ka thënë fillimisht Veron për Stats Perform News.

“Nëse ai do ta bënte këtë, do të ishte nëse Javier Zanetti e bind atë për projektin dhe sa i rëndësishëm do të ishte ai”.

“Në fund të fundit, është vendimi i Messit. Por nëse Interi do të ketë ndonjë shans, ata duhet t’i flasin zemrës së tij”.

“Ai e njeh Zanettin, kështu që ka hyrjen”, përfundoi ish-mesfushori argjentinas. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm