Vëllaznimi dhe ky futbollist ndajnë rrugët

09:37 | 9 Janar 2019
Arbresh.info

Krahas shumë përforcimeve te Vëllaznimi ka filluar edhe operacioni ‘fshesa’. Futbollisti i parë i larguar është mesfushori Burim Qorri.

Lajmin e ka konfirmuar mesfushori i njohur, i cili po shqyrton tani mundësitë për një klub të ri.

“Prej sot nuk jam më pjes e Vëllaznimit, pasi kemi arritur marrëveshje të dyanshme me kryesinë e klubit, për çka i falënderoj shumë për korrektësinë e treguar gjatë një viti që kalova aty. Gjithashtu ju dëshiroj shumë suksese në rrugën për Superligë, trajnerit Ismet Munishi me gjithë lojtarët që janë djem fantastik”, ka thënë Qorri për Gazetën Olle.

“Për fund i falënderoj shumë dy tifozeritë e zjarrta gjakovare, Kuqezinjtë e Jakovës dhe Tifozat 1927, të cilët janë fantastik dhe na kanë përkrahur gjatë gjith kohës si në Superligë, po ashtu edhe në Ligë të Parë”, ka shtuar ai.

Lojtari më parë ka luajtur me sukses edhe tek dy herë kampioni i Kosovës, Feronikeli.

Shpërndaje në rrjete sociale

Lajmet më të lexuara

Të ngjashme

Foto lajm