Sulmuesi i Përfaqësueses së Kosovës, Vedat Muriqi ka vazhduar me gola dhe paraqitje të mira me klubin turk, Fenerbahcen.

Fenerbahce ka arritur të fitojë me vështirësi 0-2 ndaj Gaziantepit në ndeshjen e vlefshme për javën e 18-të në Superligën e Turqisë.

Njëri nga më meritorët në këtë fitore të klubit turk padyshim se ishte sulmuesi i Kosovës, Vedat Muriqi.

Muriqi bëri një paraqitje të mirë duke u vulosur edhe me një gol në minutat shtesë të ndeshjes.

Sulmuesi prizrenas shënoi një gol të bukur me një goditje të fortë brenda zonës për të vulosur rezultatin përfundimtar 2-0.

Megjithatë, Muriqi ishte pafat pas golit, pasi u ndëshkua me kartonin e dytë të verdhë apo të kuqin pas një topi të larguar në tentim për të vonuar ndeshjen.

Me golin ndaj Gaziantepit, ylli i Kosovës arrin në kuotën e 11 golave në kampionat, ndërsa ka edhe katër asistime.

https://twitter.com/fenerbahceeksi/status/1218610605566910466?ref_src=twsrc%5Etfw%7Ctwcamp%5Etweetembed%7Ctwterm%5E1218610605566910466&ref_url=https%3A%2F%2Ftelegrafi.com%2Fvedat-muriqi-shenon-gol-ne-minutat-shtese-ndaj-gaziantepit-por-ndeshkohet-edhe-te-kuq%2F