Vedat Muriqi po e ndihmon edhe një shqiptar për prova te Fenerbahçe

13:09 | 9 Korrik 2019
Arbresh.info

Vedat Muriqi tashmë është prezantuar te skuadra gjigante turke e Fenerbahçes.

Reprezentuesi i Kosovës ka nënshkruar kontratë katërvjeçare me klubin stambollas me pagë vjetore prej dy milionë eurove.

Mediat turke sot kanë raportuar se shtatgjati 25-vjeçar ka qenë shkaktar edhe në sigurimin e provave zyrtare të një lojtari tjetër të Prizrenit.

Bëhet fjalë për Miris Hotin, i cili është 19-vjeçar dhe më parë ka luajtur tek grupmoshat e Kukësit dhe Teutës, ndërsa ka djersitur edhe fanellën e skuadrës së Veleçikut.

Sipas mediave, futbollisti do të provohet edhe te dy skuadrat tjera italiane – Atalanta ve Chievo.

Ndryshe, Muriqi sezonin e kaluar ka shënuar 17 gola dhe ka asistuar tetë herë në të gjitha garat për Rizesporin. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm