Google ADS

Vedat Muriqi i kryen edhe testet mjekësore

20:13 | 5 Korrik 2019
Arbresh.info

Sulmuesi kosovar, Vedat Muriqi është gati për edicionin e ri.

Vetëm një ditë pasi në rrjetet sociale bëri të ditur se do të qëndrojë edhe më tutje të skuadra aktuale Çaykur Rizespor, ai dhe shokët e tij sot u janë nënshtruar testeve mjekësore para fillimit të përgatitjeve për edicionin e ri.

Futbollistët e klubit elitar turk ishin sot të pranishëm në spitalin ‘Acibadem Kadikoy’ për t’i kryer testet mjekësore.

Testet e gjakut, ortopedisë, kontrolli i syve dhe testet kardiake ishin në agjendën e kontrolleve të sotme.

Pavarësisht se Muriqi ka qenë i lidhur me një largim nga Rizespor që prej përfundimit të edicionit të kaluar, Muriqi ka vendosur ta respektojë kontratën me klubin.

Sulmuesi i Kosovës ka kontratë me Rizeporin deri në qershor të vitit 2020. Bashkë me të, në skuadrën turke do të jetë edhe portieri Samir Ujkani.

Shpërndaje në rrjete sociale

Lajmet më të lexuara

Të ngjashme

Foto lajm