Google ADS

Valverde: “Do të jetë test i mirë, luajmë kundër kandidatit për ta fituar Bundesligën”

20:41 | 16 Shtator 2019
L G

Valverde pret një ndeshje të vështirë të martën mbrëma në “Signal Iduna Park”.

Borussia Dortmund dhe Barcelona do të kërkojnë pikët e para në Champions League të mërkurën, sfidë që do të zhvillohet në “Signal Iduna Park” nga ora 21:00.

Marco Reus tha se “Dortmundi ka ekip për ta mposhtur Barcelonën”, ndërsa edhe Ernesto Valverde e ka pranuar se luajnë kundër një ekipi që është kandidatë për të triumfuar në Bundelsiga.

“Pres ndeshje të shkëlqyer me një atmosferë spektakolare kundër një ekipi që është kandidatë për të fituar Bundesligan. Do të jetë një test i mirë”, tha Valverde.

Barça nuk e ka fituar asnjë ndeshje në udhëtim këtë sezon.

“Ne duhet të përmirësohemi. Kur nuk i fitoni dy ndeshje jashtë shtëpisë është e qartë se duhet të përmirësoheni”. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm