Valon Berisha mungon kundër Juventusit

18:18 | 23 Gusht 2018
Arbresh Info

Lazio ka konfirmuar se Valon Berisha dhe Luiz Felipe mungojnë në ndeshjen e madhe të së shtunës kundër Juventusit.

Shefi mjekësor i skuadrës, Fabio Rodiao ka zbuluar se mbrojtësi Luiz Felipe, i cili u detyrua të largohet në disfatën 2 me 1 ndaj Napolit, është diagnostikuar me shkallën e parë dhe të dytë të thyerjes së muskulit soleus në pulpë të këmbës së majtë, transmeton portali arbresh.info.

Berisha pësoi tërheqje muskulore të shkallës së parë dhe të dytë në stërvitjet para-sezonale dhe pas testeve mjekësore pritet të rikthehet javën e ardhshme.

Marusic shtrembi kyçin e këmbës gjatë ndeshjes kundër Napolit, por tashmë është rikuperuar dhe është i gatshëm për ndeshjen ndaj Juves.

Takimi ndërmjet dy skuadrave zhvillohet të shtunën duke filluar nga ora 18:00./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm