Vaki kosovare, trajneri largohet pa debutuar

16:18 | 11 Shkurt 2018
Arbresh.info

Aventura e Xhengis Rexhepit duket të ketë qenë jetëshkurtër në futbollin kosovar.

Tekniku tetovar që nga dita e shtunë (10/02/2018) nuk është më trajner i KEK-ut, mëson ekskluzivisht Gazetasheshi.com.

Rexhepi i cili erdhi në fillim të vitit te “elektricistët” për të zëvendësuar Sadat Pajazitin ka mbyllur aventurën e tij në Kosovë menjëherë pas fazës përgatitore të zhvilluar në Shqipëri.

Lajmin për Gazetasheshi.com e ka konfirmuar vetë trajneri Rexhepi si edhe drejtuesit e klubit nga Obiliqi, ndërkohë që menjëherë janë vënë në kërkim të një trajneri të ri.

KEK-u mbylli vjeshtën si lider në Ligën e Parë të futbollit kosovar.

Në afatin kalimtar të janarit është përforcuar me disa futbollistë cilësorë që mund të garantojnë fare lehtë rikthimin në Superligë.

Shpërndaje në rrjete sociale

Lajmet më të lexuara

Të ngjashme

Foto lajm