Google ADS

United arrin marrëveshje me Interin për Onanan

16:53 | 18 Korrik 2023
Orgesa Haziri

Manchester United ka rënë dakord të nënshkruajë Andre Onanën nga Interi për një shumë totale prej 55 milionë euro dhe portieri do të nënshkruajë një kontratë pesëvjeçare.

“Djajtë e Kuq” më në fund kanë arritur një marrëveshje me Interin për të nënshkruar me Onanën, sipas GOAL.

United ka rënë dakord për një tarifë fillestare prej 51 milion euro me skuadrën e Serisë A plus katër milion euro plus shtesë në varësi të performancës dhe suksesit.

Kameruniani do të nënshkruajë një kontratë pesëvjeçare me një vit të gjashtë opsional.

Onana, 27 vjeç, është afër për t’i kryer testet mjekësore me United dhe klubi shpreson që ai të mund t’i bashkohet skuadrës së Erik ten Hag sa më shpejt të jetë e mundur, me Djajtë e Kuq që udhëtojnë në Shtetet e Bashkuara më vonë këtë javë për turneun e tyre parasezonal.

Onana është nënshkrimi i dytë i United gjatë verës pas Mason Mount prej 60 milion funte./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm