Google ADS

UEFA vendos për fatin e Cristiano Ronaldos

16:17 | 21 Mars 2019
Arbresh Info

Cristiano Ronaldo i ka shpëtuar suspendimit për ndeshjen e ardhshme në UEFA Ligë të Kampionëve.

Sulmuesi i Juventusit është gjobitur me 20 mijë euro për gjestin e tij të turpshëm gjatë fitores kundër Atletico Madridit, por ka arritur t’i shmanget suspendimit në Ligë të Kampionëve, transmeton portali arbresh.info.

Vendimi nga organi drejtues nuk është i befasishëm për shkak se trajneri i Atleticos, Diego Simeone, ishte ndëshkuar ngjashëm për formën e festimit të tillë në takimin e parë të zhvilluar mes dy klubeve.

Pra, bartësi i fanellës me numër 7 do të jetë i lirë për të luajtur kundër skuadrës holandeze – Ajaxit.

Gjiganti holandez eliminoi në fazën e 1/8-ës kampionin në fuqi – Real Madridin, dhe pas hedhjes së shortit është mësuar se ata do të jenë rival të “Zonjës së Vjetër”.

Takimi i parë mes tyre zhvillohet në Holandë më 10 prill, ndërsa ndeshja kthyese luhet më 16 prill./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm