Turqia në telashe, Terim përjashton Turanin nga skuadra (FOTO)

14:51 | 6 Qershor 2017
Arbresh.info

Kosova ka marrë një lajm të mirë para ndeshjes me Turqinë. Fatih Terim, selektori i ekipit turk, e ka përjashtuar Arda Turanin nga skuadra
Sipas gazetës së përditshme turke, Hürriyet, Fatih Terim e ka kthyer në shtëpi kapitenin e skuadrës Arda Turan.

Këtë vendim strategu turk e ka marrë pasi ylli i Barcelonës e ka fyer dhe e ka goditur një gazetar të Milliyetit, përcjell Express.

Turan këtë gjeste e kishte bërë pas miqësores me Maqedoninë, e cila përfundoi baras 0:0.

Ngjarja ka ndodhur në avionin e skuadrës, derisa bashkë-lojtarët e kanë ndaluar eskalimin e situatës mes yllit të Barcelonës dhe gazetarit.

Thuhet se Turan ka dashur t’i qëroj hesapet me gazetarin turk, pasi ky i fundit e ka akuzuar për dështimin e skuadrës në Euro 2016.

Incidenti ka ndodhur derisa skuadra turke po udhëtonte në Triesta të Italisë për të zhvilluar përgatitjet për ndeshjen me Kosovën. Në Shkodër ekipi i Terimit do të arrijnë me 10 qershore. /Express/

Shpërndaje në rrjete sociale

Lajmet më të lexuara

Të ngjashme

Foto lajm