Google ADS

Tuchel para finales me Liverpoolin: Do të isha i lumtur nëse humbim dhe lufta ndalet

10:02 | 27 Shkurt 2022
Lorik Gerbeshi

Thomas Tuchel do të ishte i lumtur të humbiste finalen e Kupës Carabao sot, nëse do t’i jepte fund luftës së Rusisë kundër Ukrainës.

Trajneri i Chelseat pranon se do të jetë e vështirë të shijojë finalen në Wembley – edhe nëse ekipi i tij mund Liverpoolin.

Përpara ndeshjes së madhe të kësaj pasdite, Tuchel deklaroi: “Meqenëse është kaq e freskët memoria nga lufta në Evropë, ndoshta loja vjen me një ndërgjegje të keqe.”

“A na lejohet të angazhohemi plotësisht dhe të festojmë plotësisht? A është kjo e përshtatshme? Kështu ndihem unë. Çfarë do të ndihmonte tani nëse humbim një ndeshje futbolli? Nuk do të ndihmojë asgjë. Nëse do të ndihmonte, jam i lumtur që do ta humbas ndeshjen.”

“Papritmas kemi një luftë në Evropë. Kjo është një situatë e tmerrshme. Ne jemi të përfshirë emocionalisht – vuajmë me të gjithë”, përfundoi ai.

Shpërndaje në rrjete sociale

Lajmet më të lexuara

Të ngjashme

Foto lajm