Tri klubet të mëdha nga Premierë Liga pas Elseid Hysajt

10:03 | 25 Prill 2018
Arbresh Info

Chelsea, Manchester United dhe Liverpooli raportohet se janë të gjithë duke kërkuar nënshkrimin me mbrojtësin e Napolit, Elseid Hysaj.

Bazuar në gazetarin sportiv Alfredo Pedulla të ‘Sportitalias’, Hysaj ka një klauzolë të blerjes prej 50 milionë euro, e cila shihet e përballueshme në sytë e treshes angleze, transmeton portali arbresh.info.Pedulla shpjegon se Chelsea tashmë është takuar “disa herë” me agjentin e shqiptarit Mario Giuffreddin pasi “Blutë” e konsiderojnë 24-vjeçarin “perfekt” për Premierë Ligë derisa e ardhmja Davide Zappacostas në Stamford Birdge nuk është e sigurt.

Megjithatë, skuadra e Antonio Contes do të jetë në garë edhe me United, i cili ngjashëm është “shumë i interesuar” dhe dëshiron transferimin e tij si zëvendësues të Matteo Darmian derisa synojnë gjithashtu të lënë pas gjysmëfinalistin e Ligës së Kampionëve – Liverpoolin.

Hysaj ka bërë 41 paraqitje për Napolin këtë sezon duke mbuluar madje edhe krahun e majtë pas dy lëndimeve serioze të Fauzi Ghoulamit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm