Trepça triumfon ndaj Bashkimit, shkëlqen Galloway në debutim

20:58 | 29 Tetor 2023
D.H

Skuadra e Trepçës ka arritur të mposhtë Bashkimin në udhëtim, me rezultat të thellë 99-77, në kuadër të xhiros së gjashtë të Superligës së Kosovës në Basketboll.

Në këtë ndeshje për Trepçën debutoi edhe transferi më i ri, Brevin Galloway, shkruan Arbresh.info.

Ky lojtar ka magjepsur në ndeshjen e tij të parë duke shënuar 20 pikë e dhuruar 6 asitime.

Lojë të mirë për ‘xehetarët’, bën edhe Drilon Hajrizi me po ashtu 20 pikë ku shtoi edhe 9 kërcime, tjetër lojtar me këtë shifër të pikëve ishte edhe Isaiah Ross.

Kurse për Bashkimin më të mirët ishin tandemi Lozoya-Copes.

Lozoya arriti 21 pikë kurse Erik Copes luajti me 19 pikë e tetë kërcime.

Për minatorët kjo ishte fitorja e pestë në gjashtë xhiro të luajtura, ndërsa për ‘Arpagjikt’, kjo është humbja e dytë radhazi dhe e treta në përgjithësi.

Trepça është e dyta në tabelë ndërsa Bashkimi i katërti./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm