Trepça ka arritur të shënoj fitore ndaj Istogut me rezultat të thellë 112-82, në kuadër të xhiros së tetë në Superligën e Kosovës në Basketboll.
Skuadra mitrovicase është kthyer tek fitorja pas asaj humbje javën e kaluar ndaj Golden Eagle Yllit, shkruan Arbresh.info.
Istogu bëri një pjesë të parë fenomenale duke mbajtur baraspeshën në rezultat, kujtojmë që pas pjesës së parë rezultati ishte i barabartë 48-48.
Teksa në pjesën e dytë mitrovicasit u këndellen dhe filluan të marrin lojën në kontroll si në sulm ashtu edhe në mbrojtje.
“Minatorët” realizuan 54 pikë në dy çerekët e fundit teksa pranuan vetëm 34 pikë.
Kështu ndeshja përfundoi me rezultat 112-82.
Më i miri tek mitrovicasit ishte Drilon Hajrizi me 34 pikë i cili shtoi edhe gjashtë kërcime e katër asistime, teksa për Istogun lojtari më i dalluar ishte Arian Azemi me 25 pikë pesë kërcime e nëntë asistime.
Trepça pas tetë ndeshjeve është e dyta me gjashtë fitore dhe dy humbje, kurse istogasit pas tetë ndeshjeve kanë vetëm një fitore dhe shtatë humbje.
Trepça ndeshjen e ardhshme e luan në kryeqytet ndaj Sigal Prishtinës kurse Istogu është nikoqire e Golden Eagle Yllit./Arbresh.info/
Janjiq: Luhatjet politike rreth njohjes së Kosovës të panevo...
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...