Treshja e superyjeve të Barcelonës thuhet se kanë dhënë dritën jeshile te klubi për të bërë një përforcim thelbësor në skuadër gjatë merkatos së muajit janar të transferimeve.

Gjiganti katalunas vazhdon të jetë në kërkim të objektiva të tyre këtë sezon, pasi ata qëndrojnë në krye të tabelës në La Liga dhe në krye të grupit të tyre në Ligë të Kampionëve, transmeton portali arbresh.info.

Me këtë në mendje, duket se trajneri Ernesto Valverde nuk ka nevojë për të bërë një marrëveshje madhështore për përforcimin e skuadrës dhe ka gjetur balancin e kërkuar për të siguruar që ata mund të shijojnë një sezon të suksesshëm.

Megjithatë, siç thekson gazeta katalunase ‘Sport’, ata janë duke u përfolur për transferimin e një shënjestre befasuese – mbrojtësin e Chelseat, David Luiz, në mënyrë për të përforcuar opsionet e tyre defanzive.

Duke marrë parasysh lëndimet e Samuel Umtitit dhe Thomas Vermaelen, kjo ka kuptim nga perspektiva e Barcelonës. Sidoqoftë, duke marrë parasysh rolin vendimtar që reprezentuesi brazilian ka luajtur për trajnerin e Chelseas, Maurizio Sarri, deri tani këtë sezon, vështirë të shohësh që “Blutë” mund t’i lejojnë atij të largohet.

Bazuar në ‘Don Balon’, Philippe Coutinho, Lionel Messi dhe Luis Suarez kanë aprovuar të gjithë transferimin e tij dhe derisa kontrata aktuale e Luizit skadon në fund të këtij sezoni, ka gjasa që Chelsea mund të zgjedh për t’iu shmangur humbjes së tij falas duke e shitur atë në janar për një tarifë më të volitshme.

Mbetet të shihet se çfarë do të ndodhë me këtë situatë në vazhdim duke konsideruar rolin e tij shumë të rëndësishëm nën udhëheqjen e Sarrit./arbresh.info/