Kosova është duke pasur suksese të mëdha në aspektin e nxjerrjes së sportistëve të suksesshëm në sporte të ndryshme.

Mirëpo, përveç sportistëve, shumë shtetas kosovarë, janë duke arritur majat e suksesit edhe në fushën e trajnerëve.

Arbresh.info ka zhvilluar intervistë me trajnerin kosovar, Petrit Hasanaj, i cili jeton dhe njëkohësisht është edhe trajner në shtetin skandinav, më saktësisht në Norvegji.

Hasanaj, viteve të fundit ka prekur majat e futbollit norvegjez si trajner i skuadrave të shumta, ku pas këtyre sukseseve ka arritur të emërohet edhe ligjërues i trajnerëve në kategorinë B dhe C nga Federata e Futbollit të Norvegjisë.

Dy lëndime të rënda që ka pasur në moshën 18-vjeçare, kanë bërë që Hasanaj të largohet nga fusha e gjelbër si lojtar profesionist, mirëpo këto lëndime nuk ia kanë larguar dashurinë e madhe për sportin e futbollit.

Në pamundësi të vazhdojë karrierën e tij si sportit, Petriti vendosi të bëhej trajner.

Karriera e bujshme e tij si trajner që nga mosha 19-vjeçare, duke arritur që ish-skuadrën e tij të kualifikoj nga liga e 6 në atë të parën, ishte çelësi i sukseseve të tij.

Petriti, tani është trajner i skuadrës së madhe norvegjeze, “Korsvoll IL” në kategorinë e femrave, ku është duke prekur majat e suksesit në futbollin norvegjez.

Hasanaj, tregon për Arbresh.info se deri më tani katër lojtare të tij kanë arritur të fitojnë besimin e plotë, duke arritur ta përfaqësojnë shtetin norvegjez në garat botërore.

Trajneri me prejardhje kosovare, thotë se kishte fatin që disa lojtarë me emra të mëdhenj të futbollit kosovar të kalojnë në duart e tij.

Ish -lojtari i Kombëtares së Kosovës, Flamur Kastrati, dhe Herolind Shala, i cili aktualisht është lojtar i Kombëtares së Kosovës, janë disa nga ta.

CV-ja e Hasanajt është mjaftë e pasur, ndërsa arritshmeritë e tij si trajner futbolli janë të mëdha.

Cilat janë qëllimet e tij, a ka pasur paragjykime nga populli norvegjez, pasi nuk i përkiste kombësisë së njëjtë, kur ka filluar karriera e Hasanajt si trajner i futbollit, cilat janë vështirësitë që ai ka kaluar për të arritur majat në futbollit norvegjez, e shumë pyetje të tjera ju ftojmë ta ndiqeni në intervistën e plotë për Arbresh.info. /Arbresh.info/ Kasim Gerbeshi/