Trajneri i Spanjës: Messi më i miri në histori, ai është vetë futbolli

09:23 | 29 Gusht 2019
A. B.

Trajner i Spanjës, Robert Moreno, e ka lartësuar Lionel Messin duke e quajtur sinonim të futbollit dhe njëkohësisht e vlerëson superyllin argjentinas si futbollistin më të mirë në histori të sportit.

Moreno u emëruar trajner i Spanjës pas dorëheqjes së Luis Enriques për çështje personale këtë vit dhe e ka fituar besimin e tifozëve të “Stuhisë së kuqe”, transmeton Gazeta Express.

Ai ka punuar si ndihmës i Enriques në Barcelonë, Romë dhe ekipin kombëtar, para se të emërohej në postin e trajnerit të Spanjës.

Ai thotë se është i lumtur që dikur ka qenë në gjendje ta stërvitë Leo Messin, të cilin e vlerëson si më të mirin në histori.

“Ai është më i miri në histori. Ai është më i miri të cilin e kam stërvitur. Në fakt, nuk mendoj se ai është lojtar të cilin mund ta stërvitësh”, tha Moreno.

“Ai është vetë futbollit, esenca e futbollit. Nuk më pëlqen të them po e stërvitni Leon vetëm sepse jeni trajner”, shtoi ai. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm