Borussia Dortmund është kualifikuar në finalen e Champions League për këtë sezon pasi eliminoi Parisin në gjysmëfinale.

Edin Terzic, arkitekti i kësaj arritjeje të madhe të skuadrës verdhezi, shijon finale e parë në kompeticionin më të rëndësishëm për klube.

“Para ndeshjes së parë kundër PSG-së, folëm për herë të parë se sa i ishim afruar rrugëtimit për në Londër, shumë ishin të hutuar. Vitin e kaluar humbëm kampionatin në javën e fundit, në shtëpi, tani jam i lumtur që mund t’u jap diçka tifozëve. E kuptuam se mund të ishim surpriza e këtij Championsi, u rritëm në çdo ndeshje”.

Një kualifikim ndoshta edhe me pak fat, por për Terzic krejtësisht i merituar:

“Jam i lumtur dhe krenar, nëse fiton dy gjysmëfinalet do të thotë se finalja është e merituar. Ne po bëjmë një rrugëtim të bujshëm në Champions dhe e kemi kthyer ëndrrën në realitet”.

Ai tutje ka folur lidhur me kundërshtarët e mundshëm për finale.

“Cilado skuadër që e fiton gjysmëfinalen tjetër do të jetë favorit në Londër, por ne do ta luajmë dhe sinqerisht nuk më intereson se cili kundërshtar do të jetë. Është një krenari e madhe për të luajtur këtë ndeshje me ekipin tim.”

Dormundi në finale do të përballet në finale me fituesin e ndeshjes Real Madrid-Bayern Munich./Arbresh.info/